Atxondarrek arlo horretan dituzten beharrizan eta iritziak ezagutzea da helburua, horren arabera etorkizuneko etxebizitza politikak lantzeko gero. “Herrian bizi gura duen jendea zein egoeratan dagoen eta zer beharrizan duen ezagutu gura dugu. Azken urteotan ez da etxebizitzarik eraiki herrian. Arlo honetan emango ditugun hurrengo pausoak herritarrekin batera landurikoak izatea gura dugu”, azaldu du Eneritz Agirre Atxondoko alkateak. Etxebizitzari buruzko formularioa atxondo.eus webgunean edo udaletxean bete daiteke.