Bizkaia.  Igoera fasean lider geratu ondoren, Kurutziagako gizonak Euskadiko Federazioko deiaren zain zeuden, Euskal Ligan tokirik bazuten edo ez jakiteko. Jaso dute deia eta baietz esan diete, datorren denboraldian Euskal Ligan jokatuko dutela. Gainera, hori ez da klubaren gaineko albiste on bakarra. Izan ere, emakumeen taldea berreskuratuko dute.

Elorrio.  Elorrioko patroi den San Balendin Berrio-Otxoa gogoratuko dute asteburuan elorriarrek, urteroko tradizioari jarraituz. Abesbatzen kontzertuak, haurrentzako ekitaldiak eta pilota partiduak antolatu dituzte, beste hainbaten artean.

Berriz.  Berrizko Merkatari Elkarteak I. Merkatari Eguna antolatu du biharko. Herrian jai-giroa sortzea eta, oro har, herriko merkataritza sustatzea dute helburu.

Abadiño.  Jai giroa izango dute nagusi, asteburuan, Gaztelua auzoan. Zapatua, San Martin Eguna, eguna handia da auzoan, eta hori gogoan hartuz ekitaldi sorta antolatu du Udaleko Kultura Sailak.

Durango.  Hamar informazio puntu elkarreragile jarri ditu Udalak hirian banatuta. Gehitzen joango den oinarrizko informazioaz hornitutako panel horiek merkatari elkarteekin elkarlanean jarri dituzte, eta asteburuan ipiniko dituzte martxan.

Otxandio.  Uribarrena kalearen amaieran, zubia pasatu eta ezkerretara errekaren ertzean dagoen ingurua, Urbiribil moduan ezagutzen dena, aisialdirako gune izan dadin egokituko dute. 266.000 euro dituzte asmoa burutzeko. Lanak irailean hasi eta hiru hileren buruan amaitu nahi dituzte.

Bizkaia.  Learreta–Markina herri eskolak logo berria dauka. Mallabiko eskolako ikasle eta ikasle ohien artean egindako lehiaketan aukeratu dute ikastetxearen irudi berria. Julene Larrakoetxeak egindako lana eskolarentzako irudi egokiena dela iritzi dio epaimahaiak. Lehiaketan 33 lan aurkeztu dira guztira, eta epaimahaia Oihane Onaindia kultura zinegotziak, irakasle bik eta guraso bik osatu dute.

Garai.  Zapatuan, ostera, ipuin kontalaria, afaria eta erromeria izan ziren Garain, Momoitioko baseliza inguruan.

Durango.  Pistako Atletismoko Euskadiko Txapelketa jokatu zen, joan zen asteburuan, Durangon. Bidezabaleko atletei dagokienez, aipatzekoa da Geraxe Ussiaren eta Belit Solarren lana. Irabazi egin zuten 400 eta 800 metroetan. Biak lesio batetik bueltan zetozen. Ussiak ezin izan zuen 15 egunetan ondo entrenatu, eta Solar otsailetik lesionatuta zegoen. Biek kalitate handiko atletak direla erakutsi zuten. Azpimarratzekoa da Arrate Lastraren lana ere, pertikan; irabazi egin zuen 3,51eko jauziarekin.

Bizkaia.  Mendiz inguratutako herri batekoa izanda, errepidetik mendi lasterketetarako jauzia egitea denbora kontua zen. Harrezkero, gora eta gora egin du. Euskal Selekzioko kide da, eta Espainiako Txapelketa eta Anboto Kilometro Bertikala irabazi ditu.

Berriz.  Oizpe Pilota Txapelketak ikusmin handia sortu zuen berriztarren artean. Zaleek ez zuten hutsik egin igandeko finaletara. Berrizek hiru finaletan zituen ordezkariak eta azkenean batek irabazi zuen: Albizuri IIak nagusietan Aurtenetxe lezamarraren kontra.

Otxandio.  Joan zen barikuan Bizkaiko II Mailako Pilota Txapelketako finala jokatu eta irabazi zuten Ibon Urrejola otxandiarrak eta Ander Ocerin zornotzarrak. 22-18 menderatu zuten Zeanuriko bikotea.