Otxandio

Baserriko produktuen eta artisau-lanen erakusleiho

Otxandio. 2006ko abenduaren 14a, 15:44

Baserriko produktuen eta artisau-lanen azoka gaztea ospatuko dute Otxandion. Gaztea, baina, urtez urte hazten doana. Domeka honetan izango da nekazaritza eta artisautza azoka Plaza Nagusian egokituko duten 8. aldia, 50 erakustoki inguru batuz. Herriko baserritarren produktuekin abiatutako lehenengo azoka halako bi da, dagoeneko, urteotakoa; izan ere, lehenengo urte haietan 20 produktore inguru elkartu ziren. Urte guztiotan, Kementsu elkarteak hartu izan du antolaketaren ardura.

Erakustokiak prest izango dira 11:30 inguruan. Trikitilariek girotutako azokak hurreratuko diren makina bat bisitari batuko ditu. Aurten ere izango da nobedaderik. Errementarien herria izandakoa da Otxandio: “Cristobal Colonen itsasontzien iltzeak egin ei ziren hemen”, gogoratu digute antolatzaileek. Errementari tradizio horrekin lotuta, sasoi bateko burdinoletan zelan lan egiten zuten erakutsiko dute, azokak dirauen bitartean, Su Oker taldearen eskutik. Horrezaz gainera, motozerrarekin egurra zelan lantzen den ikusteko aukera ere izango da: 12:00etatik 14:00etara egingo da erakusketa hori.

Gazta eta ardaoa

Ortuariak, gazta, yogurra, ogia, opilak, sagardoa… denetariko produktuek hornitutako azoka izango da domekakoa; artisau-lanek aberastua. Idiazabalgo gazta eta Errioxako ardaoa dastatzeko aukera ere izango dute bisitariek; baita burduntzian egindako bildotsa ere, jakitera eman dutenez.

Burduntzian egindako bildotsa izango da, bestalde, Mainondo eskolan egingo duten herri-bazkariko plater nagusia. Hitzordua 15:00ak aldera jarri dute, eta bildotsa ez eze, menestra, tripotxak eta postrea ere izango dira mahai gainean. Txartelak 20 euroan lortu daitezke. Bazkaltzeko 100 bat lagun elkartu ohi dira. Azoka prestatzeko, 3.000 euroko aurrekontua izaten dute antolatzaileek, Udalak lagunduta. Orain, eguraldiak laguntzea baino ez dute falta. Hala ere, urtez urte azokak izan ohi duen harrerarekin pozik daude

Gehitu zure erantzuna

Anónimo 2008-11-10 08:03

zhanghe Welcome to our wow Gold and store. We are specilized, professional and reliable website for selling and service. By thewow gold same token,we offer the best WoW service for our long-term and loyal customers You will find the benefits and wow power leveling value we created different from other sites. As to most people, they are unwilling to spend most of the time grinding money for mounts or repair when they can purchase what they are badly need. The only way is to look for the best place towow gold buy cheap WOW gold. Yes! You find it here! Our WoW Gold supplying service has already accumulated a high reputation and credibility. We have plenty of Gold suppliers, which will guarantee ourwow powerleveling delivery instant. Actually, we have been getting tons of postive feedbacks from our loyal customers who really appreciate our service.

wow gold 2008-07-21 10:45