Santixau jaiak

Jairako proposamenak

Atxondo - 2007ko uztailaren 19a, 12:36

Eguaztenera arte izango dira Santiago auzoko jaiak. Bariku iluntzean altxatuko dute jaietako txopoa, eta berakatz zopa dastatuko dute ohiturari jarraituz.

Zapatu eguerdi aldean paella lehiaketa izango da eta herri-bazkaria egingo dute ondoren. Mus txapelketarekin eta Luhartz taldearen erromeriarekin borobilduko dute eguna. Domeka, Mozorro Eguna izango da, eta Potxin eta Patxin pailazoen ikuskizuna, dantza erakustaldia eta mozorro lehiaketa izango dituzte, besteak beste, jai giroa zabaltzen. Eguaztenean, Santiago egunean, piper-jana izango da meza nagusiaren ondoren, eta igel eta briska txapelketa eta txokolatadarekin egingo dute datorren urtera artekoa.