Greba mugagabea hasi dute Guibema enpresan

Greba mugagabea hasi dute Traña-Matienako (Abadiño) Guibema S. L. enpresan, “jazarpen sindikala” salatu guran, ELA sindikatuko Metaleko ordezkariek jakin eragin dutenez.

 Langile bat “turko-buru” moduan kaleratu izana salatu dute, “horrela, gainerako beharginak kikiltzeko”. Gaineratu dutenez, “enpresak ahoz ere ohartarazi du etorkizunera begirako kaleratze gehiago”. ELAn afiliatutako langileen kontrako “jazarpena” dela diote, “langileriaren gehiengoa ; 12 langileetako zazpi”. Zazpi langile horiek egin dute greba.

ELAko ordezkari bat aukeratu  — lehenengo hauteskunde sindikaletan— eta “gero, hiru eguneko greba egin ondoren enpresa ituna lortzean hasi zen jazarpena”.  Lan baldintzak  hobetzen zituen ituna lotu zuten 2007rako.