Sestaoko taldea eskola arteko onena

Abadiñoko xake eskolako, Sestaoko, Santurtziko, Leioako, Erandioko, Barakaldoko eta Bilbo aldeko taldeak bildu ziren eta denek ere ongi entrenatzen direla erakutsi zuten. Benjaminen kategorian, Sestaoko taldea geratu zen lehen postuan. Bigarren postuan baina lehenengoekin berdinduta, Askartza geratu zen eta Luis Briñas taldea izan zen hirugarrena hamazortzi punturekin.
Kimuen txanda izan zen ondoren eta taldeka eta bakarka jokatu zuten hauek. Bakarkakoan, Juan Ignacio Alonso Arburu izan zen garailea. Gipuzkoar honek zazpi puntu t’edi lortu zituen. Bigarren postuan David Astasio arabarra geratu zen zazpi punturekin eta hirugarren postua Elvis Hernandez gipuzkoarrarentzat izan zen. Sei puntu t’erdi lortu zituen azken honek. Taldekakoan berriz, Sestao izan zen beste behin ere buru hemeretzi puntu t’erdirekin. Bigarren postuan Endroke geratu zen eta Santurtzi A-k hamazazpi puntu lortu zituen hirugarren postua erdietsiz. Abadiño hamalaugarren postuan sailkatu zen eta zortzi puntu eskuratu zituen. Jokatutako sei partidetatik lau galdu egin zituen, bat irabazi eta beste bat berdindu.
Haurrak izan ziren lehiatzen azkenak eta Sestao izan zen kategoria honetan ere onena. Hogei puntu t’erdi lortu zituen. Bigarren Santurtzi geratu zen.