LANUEZTEAK

Lau orduko lanuzteak egin dituzte Egañako langileek

Zaldibar - 2008ko maiatzaren 16a, 15:29

Lan-hitzarmen “guztiz arrazoizkoa” exijitzeko txanda bakoitzean lau orduko lanuzteak egin dituzte Zaldibarko Egaña S. A. lantokiko beharginek, Enpresa Komiteak deituta (ELA, LAB eta CCOO). Maiatzaren 8an eta 15ean egin dituzte lanuzteak, nabarmendu dutenez, eskari “guztiz arrazoizkoak” aldarrikatuz.

CIE taldeko enpresa horretan 166 behargin inguruk dihardu eta deitutako

lanuzteekin bat egin dute 107 langilek. Enpresa Komitekoek azaldu dutenaren arabera, “lan-hitzarmen ahalik eta arrazoizkoena aurkeztu dugu, enpresarekiko hurreratze-ituna. Hala ere, enpresa beheranzko eskaintzan gogortu da”.

Beharginekiko “mespretxu jarrera” salatu dute, oro har %8tik beherako igoera planteatu dutela nabarmenduz. Egoera “guztiz salagarria” eta “asaldagarria” dela diote Egañako langileek.

Enpresak “beherantz negoziatzen” jardun duela salatu dute langileek, eta “arazoa enpresa-estrategian” dagoela: “Urteetako lorpen sozialak ere kendu gura dituzte; errelebo-kontratuak, gaixotasun-bajetan mutuak ez esku-hartzea… Eta gainera, beheranzko eskaintza ekonomikoak egiten dizkigute. Horren kontra borrokatuko dugu”. Diotenez, ez die “batere eskaintza ez sozial ez ekonomikoa” egin.