bakixan
Santa Maña eta Mendataren arteko gizon-proba, gaur
Iurreta - 2010ko urtarrilaren 23a, 12:00
Bakixako jaien barruan gizon-proba interesgarria antolatu dute gaur, 18:00etan, Bakixako ermita inguruan. Mendata eta Santa Mañako taldeak elkarren kontra lehiatuko dira: zortzi lagunek osatutako taldeek 700 kiloko harriari tiratuko diote 20 minutuan, nor baino nor gehiago. Beraz, ohiko asto-probak barik gizon- probak egongo dira aurten. Iaz Mendatako taldea Astein aritu zen harriari tiraka; orduko hartan asto baten kontra jardun zuten. Irail amaieran, Sanmigeletan, Iurretako gazteen, astoaren eta motordun ibilgailuaren arteko lehia ere egin zuten, eta gizonek irabazi zuten.
