Emaitzak

Asteburuko kirol emaitzak

Durangaldea - 2010ko otsailaren 08a, 12:56

FUTBOLA
HIRUGARREN MAILA
Lagun Onak 2-1 Durangoko Kulturala
Beasainek eta Zamudiok ere galdu egin dute eta ondorioz, galdu arren, play off postuetan darrai Kulturalak. Portugaletek 0-2 irabazi dio Laudiori eta hirugarren kokatu da.

OHOREZKO MAILA
Gurutzeta 3-0 Berriz
Jaitsiera postua hiru puntura du Berrizek.

LEHENENGO ERREGIONALA (gizonak)
Umore Ona 0-1 Elorrio
Iurretako 6-1 Etxebarri
Zaldua 0-0 Berriatuko
Elorrio eta Iurretako bigarren eta hirugarren daude sailkapenean. Zaldua taula erditik behera dago.

BIGARREN ERREGIONALA
Abadiño 2-2 Amorebieta B

HIRUGARREN ERREGIONALA
Lekeitio B 4-2 Ezkurdi
Zorrontzako 1-0 Extremeño
Berriz B 1-2 Derio B
Elorrio B 0-0 Itugarpe
Berriz Bk galdu egin du ustekabean Derio B azken aurrekoaren kontra eta Busturia eta Zorrontzako urrundu egin zaizkio sailkapenean. Berriztarrak hirugarren daude eta zortzi puntura dute bigarren postua.

LEHENENGO ERREGIONALA (emakumeak)
Arratia 2-0 Iurretako
Iurretakok ezin izan du sorpresarik eman. Arratia bigarren postuan dago eta Iurretako azken laugarren.

BIGARREN ERREGIONALA (emakumeak)
Elorrio 2-0 Berrio-Otxoa B
Elorrio laugarren dago sailkapenean

ARETO FUTBOLA
OHOREZKO A MAILA
Sasikoa 1-1 Sestao
Sasikoak azkenengo postuan segitzen du, baina azken asteetan suspertu egin dira eta salbazioa urrago dute.

EUSKAL LIGA
Petronor 5-3 Kurutziaga Ikastola
Sasikoa 5-7 Ortziri
Eskualdeko talde biak estu dabiltza, ez jaitsiera postuetan, baina nahikoa gertu.

GOREN MAILA
Mallabia Bastida 6-2 Meatzari B
Jardunaldi ona izan da mallabiarrentzat. Altamirak eta Askartzak galdu egin dute eta sendotu egin dira bigarren postuan. Orain hiru puntuko aldea ateratzen die talde biei.

LEHENENGO ERREGIONALA
Saltzaileak 3-2 Abadiñoko Gaztetxie
Presion Break 7-3 Iturritxu
Abadiñoko Lagun 4-0 Freunde
Berrizko taldeak arerio zuzenari irabazi dio eta hirugarren postuan indartu da. Abadiñoko Lagunek ere aurreratu egin du Iturritxu eta laugarren kokatu dira Presion Breakengandik puntu batera.

BIGARREN ERREGIONALA
Mendibeltz 3-2 Begoñazpi
Zerbezotxo 1-4 Kurutziaga B
Mendibeltzek garaipen garrantzitsua lortu du liderraren kontra. Batetik, Usansolo gainditu du sailkapenean eta bigarren kokatu da; bestetik, Begoñazpi liderra puntu bakarrera du orain.

SASKIBALOIA
LEHENENGO MAILA (gizonak)
Tabirako 69-60 San Ignacio
Bolada onean dago Tabirako. Hiru garaipen daramatza segidan eta laugarren dago. Hala ere, oraindik gogor borrokatu beharko du igoera fasean sartzeko, sei talde garaipen biren barruan daudelako.

LEHENENGO MAILA (emakumeak)
Gernika 59-53 Tabirako
Bi garaipen zeramatzaten segidan, baina asteburuan galdu egin dute Gernika indartsuaren kontra.

BIGARREN ERREGIONALA
Julza-Zaldua 60-29 Salesianos
Zaldibarko taldeak hirugarren garaipena lortu du erreskadan eta orain laugarren dago

ERRUGBIA
EUSKAL LIGA (gizonak)
Arrasate 25 -27 Durango Ilarduya
Elorrio 8-36 Bera Bera B
Datorren asteburuan derbia jokatuko dute Durango Ilarduyak eta Elorriok