Pilota

Euskal Herri osotik ordezkaritza zabala San Prudentzio Txapelketan

Abadiño - 2010ko martxoaren 12a, 14:35

Atzo (martxoak 11) aurkeztu zuten XVI. San Prudentzia Pilota Txapelketa. 82 bikote lehiatuko dira hiru kategoriatan: kadete (32 bikote), gazte (51) eta nagusietan (12). Parte hartuko duten pilota eskolei dagokienez, Bizkaiko 24 eskolek parte hartuko dute; tartean dira Abadiño, Berriz, Otxandio, Atxondo, Elorrio, Mallabia eta Elorriokoak. Gipuzkoak 11 pilota eskola izango ditu; Nafarroak bederatzi, Arabak lau eta Errioxak bat.

Kadeteetan Durangaldeko hainbat ordezkari ibiliko dira: Rico abadiñarrak Prietorekin jokatuko du; Angiozar eta Bikuña berrriztarrek, Urrejola eta Ocerin otxandiarrek, Martinez eta Diez atxondarrek eta Berrojalbiz eta Uribelarrea iurretarrek bikoteak osatuko dituzte.

Gazte mailan ez dago eskualdeko ordezkaririk eta nagusietan bi daude: Azpiri elorriarrak eta Aldape mallabitarrak elkarrekin jokatuko dute eta Rober Uriarte abadiñarrak Kantxo galdakoztarra izango du bizkarzain.

Finalak maiatzaren 1ean jokatuko dituzte, Matienako San Prudentzio jaietan.

ASTEBURUKO PARTIDUAK

BARIKUA (20:15)
Kadete maila
Ibarrondo - Agirre / Angiozar - Bikuña
Ruiz - Sedano / Aizpuru - Eizmendi
Gazte maila
Bilbao - Cilaurre / Zulueta - Ouro
Bilbao - Lejarzegi / Murgiondo - Gabilondo

ZAPATUA (20:00etan)
Kadete maila
Egiguren - Murga / Etxebarria - Ziarrusta
Garcia - Kintana / Mugika - Elustondo
Gazte maila
Gorosabel - Zenarruzabeitia / Isasmendi - Etxamendi

DOMEKA (16:30etan)
Kadete maila
Atutxa - Hernandez / Eskudero - Jauregi
Garcia - Perez / Murua - Mugika
Gazte maila
Artola - Zabala / Aketxe - Urresti
Lopez - Izurieta / Gayurralde - Jaka