Durango.  Hilabetez hilabete igotzen joan da hiltze-kopurua Erralde hiltegian; apirilean, hileko hiltze-kopuruaren errekorra bete da: 679 behiburu hil dituzte, Erraldeko arduradunek azaldu dutenez.

Abadiño.  Greba mugagabea hasi dute Traña-Matienako (Abadiño) Guibema S. L. enpresan, “jazarpen sindikala” salatu guran, ELA sindikatuko Metaleko ordezkariek jakin eragin dutenez.

Abadiño.  Buruan kolpea hartuta Abadiñon hildako behargina ekarri dute gogora, asteon, ELA eta LAB sindikatuek. Joan zen barikuan, Langilearen Nazioarteko Egunaren biharamunean gertatu zen ezbeharra, UAI-II industrialdean dagoen Tratamientos Termicos de Iurreta enpresan.

Bizkaia.  Langileak mobilizatzera deitu dituzte beste behin ere sindikatuek langileak Maiatzaren Lehenean. Hiriburuetan egin ditue ekitaldiak.

Elorrio.  Enpresa Komiteak deituta, txanda bakoitzean lau orduko lanuztea egin zuten beharginek, eguaztenean,Ductilor enpresan, izandako lan istripuaren aurrean zuzendaritzaren jarrera salatzeko.

Berriz.  Aurreakordioa lotu dute Enpresa Komiteak —ELAk lau ordezkari ditu, LAB eta UGTk bina eta ordezkari bat CCOOk— eta Zuzendaritzak Mendiguren y Zarraoa (MZ) enpresaren Berrizko lantokian.

Bizkaia.  Hego Euskal Herrian 34 behargin hil dira lan-istripuan 2008a hasi zenetik. Eguaztenean azkena, Donostian. Hala jakin eragin du LAB sindikatuak, apirilaren 28a, Lan Osasunaren eta Segurtasunaren Nazioarteko Eguna, “aldarrikapen egun” izan behar dela gogoratzearekin batera

Iurreta.  Udalak erregutze-errekurtsoa aurkeztuko du Euskal Autonomia Erkidegoko Justizia Auzitegi Nagusian (EAEAN) udaletxeko langileek norbere eginbeharretarako lau egun izan ditzaten —berreskuratzekoak bi eta beste biak ez—, beharginek eskatu lez sei izan beharrean.

Bizkaia.  Lanaren eraginez 100.000 beharginetik 4,7k guztiz galtzen du entzumena. Hala jaso du Europako Laneko Osasun eta Segurtasunerako Erakundeak egindako ikerketak.

Bizkaia.  Sustatu egitasmoak jasotako diru-laguntzak onartu ditu Bizkaiko Aldundiak. Bizkaian enpresa berritzaileen sorrera bultzatzea du helburu horrek. Aurten, 1.445.000 euro bideratuko dituzte Sustatu Bideberri egitasmoaren barruan; Sustatu Kide barruan, berriz, 805.000 euro.