Otxandio.  Aurten, hogeigarrenez egingo dute Margo Lehiaketa; asteburuan izango da. Domekan, urriaren 19an, egingo dute, eta irabazleak 700 euroko saria lortuko du. Bigarren geratzen denak 500 euro lortuko ditu, eta 350 euro hirugarrenak. Horrezaz gainera, herriko onenarentzat ere gorde dute 200 euroko saria.

Otxandio.  Urteroko zitari jarraituz, Gatzagarako ibilaldia egingo dute irailaren 8an Otxandion. Ohitura zahar horrek 150 urtetik gora ei dauka, eta osasunarekin lotutako kontuak ditu oinarrian. Antza denez, ur sufretsuak zeudela-eta joaten ziren bertara sasoi batean.

Otxandio.  Auzoetan postontziak jartzeko 9.000 euroko diru-laguntza jaso du Udalak Bizkaiko Foru Aldunditik. Datorren urteari begira jasotako laguntasuna da hori; beraz, udalbatzarrak 2009ko udal aurrekontuaren barruan horretarako diru-atala gordetzeko konpromisoa hartu du, datorren urtean postontziak jartzeko lanak aurrera eroan ahal izateko.

Otxandio.  Eguraldia lagun izan zuten zapatuan Otxandion, Udaberri Jaian. Ume zen heldu, antolatutako ekitaldietan parte hartzera hurreratu ziren, jai giroa sortuz.

Otxandio.  Udalaren lurzoru-ondarera bideratuko den 1,3 milioi euroko diru-iturri zuzena lortu guran hiru hirigintza hitzarmenen hasierako onarpena egin du udalbatzarrak. Hiri-ordenazioko udal-plan orokorraren berrikuspenaren barruan batzen dira aitatutako hitzarmenak.