Bizkaia.  Zerbitzuak eskaintzeaz gain, arlo askotan Durangaldeko politikak koordinatzeko tresna izan litekeela azaldu dute. Larraurik kritika horiek onartu dituen arren, udalek eskuduntzak dituzten gaietan oztopo asko aurkitu litezkeela azaldu digu.

Iurreta.  Mikel Bringas eta Rosa Lizasok Euskal Herria bizikletaz: nire lehen bidaia diaporama emanaldia eskainiko dute, asteazkenean, 18:30ean, Ibarretxe kultur etxean. Bikote donostiar honek Eki semearekin Euskal Herria bizikletaz zeharkatu du. Ibilbidea 30 etapatan banatu dute biderik egokienak aukeratuz.

Otxandio.  Bizkaiko 120 bertsolari gaztetik gora batuko ditu bihar, Otxandion, Bertsozale Gazteen IV. Egunak. Eguraldiak laguntzen badu, eguerdian hasi eta gauera arte, jai-giroa nagusituko da, bertsoa dela atxaki.

Bizkaia.  Mendiaren edertasunak arriskua ere ezkutatzen du. Ondo baino hobeto barneratutako premisa da hori mendia pasio zein ogibide daukanarentzat. Euskal Herrian guztiz sustraitutako kirola da mendizaletasuna; zaletu gehien batzen dituena dela esatera ere ausartu gaitezke. Horixe berori da federatu gehien batzen dituen kirola ere. Orain, Durangaldea mendi-kirol eta eskaladarekin lotuta, erreferente bihurtuko da. Izan ere, Durangoko Fray Juan de Zumarraga BHIn Mendi-kiroletako eta Eskaladako Teknikari izateko titulazio ofiziala eskuratzeko aukera zabaldu dute; Euskal Autonomia Erkidegoko erreferentea bihurtu da, irakaskuntza publikoan Kirol Teknikari titulazioak bideratzen.